“ХҮДЭР БЭЛТГЭХ, БАЯЖУУЛАХ ТЕХНОЛОГИЙН ДЭВШИЛ” СЭДЭВТ МЭРГЭЖИЛ ДЭЭШЛҮҮЛЭХ СУРГАЛТАД УРЬЖ БАЙНА

Монгол Улс, Бүгд Найрамдах Хятад Ард Улсын хамтарсан “Бүс ба зам” баяжуулалт, металлургийн лаборатори төслийн хүрээнд Хөх хотын Металлургийн судалгааны хүрээлэнтэй хамтран “Хүдэр бэлтгэх, баяжуулах технологийн дэвшил” сэдэвт мэргэжил дээшлүүлэх богино хугацааны сургалтыг 2026 оны 11 дүгээр сарын 9–14-ний өдрүүдэд БНХАУ-ын Өвөр Монголын Өөртөө Засах Орны Хөх хотод зохион байгуулах гэж байна. Тус сургалт нь хүдэр бэлтгэх, баяжуулах технологийн дэвшилтэт арга, туршлагатай танилцах, мэргэжлийн мэдлэг, ур чадвараа дээшлүүлэх, олон улсын судалгаа, технологийн хамтын ажиллагааг өргөжүүлэх зорилготой.

Сургалтын сэдэв: “Хүдэр бэлтгэх, баяжуулах технологийн дэвшил”

Хугацаа: 2026 оны 11 дүгээр сарын 9–14-ний өдөр

Байршил: БНХАУ, Өвөр Монголын Өөртөө Засах Орон, Хөх хотын Металлургийн судалгааны хүрээлэн

Хамрагдах хүний тоо: 6 инженер

Зардал: Сургалтын болон оршин суух зардлыг хүлээн авагч тал 100 хувь хариуцна.

Оролцогчдод тавигдах үндсэн шалгуур

Сургалтад хамрагдах инженерүүд дараах шаардлагыг хангасан байна. Үүнд:

Монголын Ашигт Малтмал Баяжуулагчдын Холбоо (МАМБХ)-ны идэвхтэй гишүүн байх;

Хүдрийн чиглэлийн төсөл, судалгааны ажилд оролцож байсан туршлагатай байх.

Бүртгэл, сонгон шалгаруулалт

Сургалтад хамрагдах хүсэлтэй, дээрх шалгуурыг хангасан инженерүүдийг бүртгэж, нийт 6 оролцогчийг сонгон шалгаруулна.

Бүртгэл, материал хүлээн авах

Сургалтад хамрагдах хүсэлтэй, дээрх шалгуурыг хангасан инженерүүд холбогдох материалаа 2026 оны 10 дугаар сарын 30-ны өдрийг дуустал mmpa@mmpa.mn цахим шуудангаар ирүүлнэ үү.

Мэргэжлийн мэдлэг, ур чадвараа дээшлүүлж, хүдэр бэлтгэх, баяжуулах технологийн дэвшилтэт шийдэл, туршлагаас суралцахыг хүссэн инженерүүдийг сургалтад идэвхтэй хамрагдахыг урьж байна.